Mission/Vision

 

MIZORAM HOME GUARDS KALPHUNG LEH AN HNATHAWH TLANGPUITE


ORGANISATION : Mizoram Home Guards hi March ni 6, 1964-ah Assam Home Guards hnuaia din a ni a. March ni 6, 1973 khan Department dang ang bawkin sawrkarin a ti lian a. Assam Home Guards hnuaia awm tawh lovin, Mizoram Home Guards tih a lo nita a. Sipai bang officers te, midang tam tak te rawih belh an ni bawk a, August ni 8, 1987 atangin Home Guards Department chu Home Department enkawlna hnuaiah Department hrang ang in a lo awm ta a ni.

       Tunah hian Home Guards Department chu Establishment pathumah then a ni a,  (1) Headquarters, Chawlhhmun, Aizawl. (2) District Headquarters, Chawlhhmun, Aizawl, (3) Central Training Institute (CTI), Sesawng te an ni.

FUNCTION AND DUTIES : Home Guards hian thupui pawimawh tak a nei a, chu chu ‘NISHKAM SEVA’ tih a ni a, a awmzia chu ‘Mahni inphata midang tana nun’ tihna a ni deuh ber. Mizoram Home Guards te hi hmuntinah an inzar pharh a – Jail, Bank hrang hrang, Power House, Medical Store, Sawrkar kudam hrang hrang te, MST Workshop te, PWD Store te, Radio Transmission te, AIR, Chakma House, Traffic Police, Election, etc-ah te vengtu an ni.

        Mizoram Home Guards te hi dan leh thupekah Police te tanpui a, Police ang chiah a chhawr an ni. Silai nen lawmman tlemte dawngin darkar 24 chhung an duty a ni.

        Mizoram Home Guards inrelbawl dan hi Mizoram Home Guards Act 1985 leh Mizoram Home Guard Rules, 2010 anga kalpui a ni. Mizoram Home Guards te  inenkawl dan hi hetiang hian then a ni – Company 2 (pahnih), Aizawl-ah, Company 1 (pakhat), Lunglei-ah, leh Company 1(pakhat) Saiha-ah an ni a. Platoon Headquarters 5 (panga) – Lawngtlai, Serchhip, Champhai, Mamit leh Kolasib-ah te dah a ni bawk.

        Central Training Institute, Sesawng-ah hian kumtin heng mite – Forest Guard, MPRO, Jail Staff, Excise leh a tul changin NGO te training pek thin an ni bawk. Central Training Institute hi Commandant, CTI enkawlna hnuaiah awmin Medical Officer te, Centre Commander leh thawktu pawimawh tak tak te an awm a ni.

        Mizoram Home Guards te hi chhiatna thleng thut laka mipuite himna ngaihtuah tura mawhphur tu pawimawh tak an ni a, hemi avang hian mipuite hnenah pawh zirtirna tam tak pek chhuah a ni bawk.

        Home Guards-ah hian hmun ruak awm dan a zirin hetiang mite tan hian a luh theih a ni. 
(1) India khua leh tui an ni tur a ni. 
(2) Mi kum 18 atanga kum 50 inkar
(3) Thiamna lamah Class VIII Pass chin
(4) San lamah 163cm. Awm len lamah 79 cm an nitur a ni.

PRESENT DAY ACHIEVEMENTS :  Aizawl District huam chhung leh Mizoram pum huapa Department hmalakna hrang hrang te chu :-
(1) Central Training Institute (CTI) Sesawng a hman tur Ralthuam te, taksa sawizawina hmanrua chi hrang hrangte, Simulators-te leh Projector etc.
(2) Veivah zung zungna tur lirthei a lian chi leh a te chi lak khawm a hman mai theih tur inring renga dahte.
(3) Office leh Barrack a hman atana hmun hrang hrang in sakte.
(4) Chhiatrupna thlengthei laka invenna (Disaster Management) hi a hna pawimawh ber zinga dah anih avangin a tangkai zia hi mipuite lakah pawh a belchhah zel ani.

© Mizoram Home Guards, Govt of Mizoram

This website belongs to the Mizoram Home Guards, Government of Mizoram, India. | Template by ZENICS